STRÍÐ OG FRIÐUR

Stríð og friður.

1. - 4. Hluti

Kvikmyndin Stríð og friður er sannarlega eitt af stórvirkjum kvikmyndasögunnar. Það er sjaldgæft að hún fáist sýnd og það er Kvikmyndasafni Íslands mikill heiður að geta boðið upp á sýningu á myndinni óstyttri í 4 hlutum dagana 29. apríl til 2. maí. Sýningin markar einnig tímamót í sögu safnsins þar sem þetta er síðasta sýning á Rússneskum vetri en einnig síðustu sýningar safnsins í Bæjarbíói í Hafnarfirði. Hér er því um endalok á tímabili að ræða, en einnig ný byrjun í sögu Kvikmyndasafnsins.

1. Hluti: Andrei Bokonsky
2. Hluti: Natasha Rostova
3. Hluti: Árið 1812
4. Hluti: Pierre Bezukhov

Sýnd þriðjudag 29. apr kl: 20.00
Sýnd miðvikudag 30. apr kl: 20.00
Sýnd föstudag 2. maí kl: 20.00
Sýnd laugardag 3. maí kl: 16.00

Enskt tal (talsett)
Enskt tal (talsett)
Rússneskt tal, neðanmálstexti á ensku
Rússneskt tal, neðanmálstexti á ensku

SOVÉTRÍKIN, 1966 -1967
Enskt tal (talsett) og rússneskt tal með enskum neðanmálstextum
FILMA 35mm (1. og 2. hluti) og stafræn sýning (3. og 4. hluti), litur

Leikstjórn: Sergei Bondartsjúk

Kvikmyndataka: Anatolí Petritskj

Fróðleiksmolar:

Árið 1960 buðu nokkrir kvikmyndaleik-stjórar fram krafta sína til að stjórna tökum á Stríði og friði, þeirra á meðal Mikhaíl Romm og Sergei Gerasimov. En það var Ívan Pyrjev, einn af leikstjórum Karamazov-bræðranna, sem virtist sigurstranglegur. Bondartsjúk var hins vegar kjörinn til verksins, án þess að hann hefði sóst eftir því og var nýgræðingur í greininni. Khrútsjov stjórnin þóttist sjá í honum nýja kynslóð kvikmyndagerðarmanna og ástæðu til að ýta eldri kynslóðinni til hliðar.

Ýmsir vestrænir fjölmiðlar hafa haldið því fram að fjöldi hermanna sem tóku þátt í tökum Stríðs og friðar hafi verið hátt í 120 þúsund. Þegar Bondartsjúk var spurður út í þetta í viðtali sem National Geographic átti við hann árið 1986 svaraði hann því til að þetta væru ýkjur. Hann hefði haft 12 þúsund hermenn til ráðstöfunar. Gert var ráð fyrir að þeir yfirgæfu tökustað eftir 13 daga en það dróst hins vegar í 3 mánuði.

7. júlí 1964 eftir tökur í Leníngrad var Bondartsjúk óvænt fyrirskipað af yfirboðurum sínum að ýta öllu til hliðar, þegar vinnunni við myndina var langt í frá lokið, til að geta lokið við fyrstu tvo hlutana fyrir kvikmyndahátíðina í Moskvu. Þá gerðist það að Bondartsjúk fékk hjartaslag og var um skeið úrskurðaður læknisfræðilega dauður. Það fyrsta sem hann sagði þegar hann náði meðvitund var: „Ef ég dey, látið Gerasimov ljúka verkinu“. Kvikmyndatöku var þá frestað fram í september. Þetta endurtók sig ári síðar þegar fyrstu tveir hlutarnir voru frumsýndir en aftur hafði meistarinn sigur.

Leave a Reply

Your email address will not be published.